Taliska hey’adda Nabadsugidda Qaranka ee ka hawlgala deegaannada Galmudug oo maanta saxaafadda kula hadlay magaalada Cadaado ee gobolka Galgaduud ayaa sheegay inay qaadayaan hawlgalo cusub oo lagula dagaalamayo dadka dambiyada gaysta kaddibna ku dhuumaalaysta meelo kale.
Taliyaha Nabadsugidde ee deegaannada Galmudug Saadaq Cumar Xasan ayaa sheegay in ay diyaariyeen ciidamo gaar ah oo arrintaasi dabagal ku sameeya dambiilayaashana soo qabta.
Dhinaca kale Taliyaha ayaa digniin u diray dadka ย is horistaaga danta guud, iyagoo tooda gaarka ah ka dhex eegaya, taas oo uu sheegay inaysan sii jiri doonin.
Ciidanka Nabadsugidda ayaa dhawaan soo qabtay shaqsiyaad gaystay dilal, kuwaas oo hadda ah xukun sugayaal.
