Taliyaha ciidanka Boliiska Soomaaliyeed sareeyo guuto Maxamed Seekh Xasan Xaamud iyo saraakiil kale oo ka tirsan Boliiska ayaa maanta gaaray magaalada Baydhabo ee xarunta gobolka Baay, waxaana wefdiga taliyaha garoonka diyaaradaha ee Baydhabo ku soo dhaweeyay wasiiro ka tirsan maamulka Koonfur galbeed Soomaaliya iyo saraakiisha ciidanka Boliiska ee gobolka Baay.
Taliyaha ayaa waxaa uu kormeerey qaar kamid ah saldhigyada ciidanka Boliiska ee magaakada Baydhabo sida saldhiga Boliiska ee degmada iyo kan gobolka, isagoo kulamo la qaatay saraakiisha Boliiska AMISOM ee halkaasi jooga.
Sareeyo guuto Maxamed Sheekh Xasan Xaamud Taliyaha Ciidanka Boliiska Soomaaliya ayaa waxaa goobaha uu koreerey waxaa kamid ah saldhiga beri kaas oo dhowaan dib u dayactir ku sameysay dowladda Isutagga Imaaraadka Carabta, waxaana uu kulan la yeeshay saraakiisha Boliiska ee gobolka Baay iyo xubno ka tirsan maamulka Koonfur galbeed Soomaaliya.
Weriyaha gobolka Baay waerbaahinta qaranka Siraaji Sheekh Isxaaq ayaa soo sheegaya in taliyaha markii uu kulanka la yeeshay saraakiisha uu balan qaaday in taliska Boliiska ay ka go’an tahay in dib u dhis uu ku sameeyo dhamaan xarumaha ciidanka Boliiska ee gobolka Baay.
Waa markii ugu horeysay taliyaha Boliiska Soomaaliya uu booqasho key tago magaalada Baydhabo ee xarunta gobolka Baay tan iyo markii loo magacaabay xilkan, waxaana arintan ay qeyb ka tahay dardargelinta howlaha lagu horumarinaayo guud ahaan ciidanka Boliiska Soomaaliyeed.
