Taliyaha Ciidanka Booliska Soomaaliya Maxamed Sheekh Xasan Xaamuud oo la hadlay Radio Muqdisho ayaa sheegay in howllaha shaqo ee uu ku joogo Magaalada Garoowe ay tahay in la horumariyo Tayada iyo shaqada ciidanka Booliska meelkasta oo ay joogaa, isagoo sheegay in uu kulamo wadatashi ah la Qaadan doono Saraakiisha Ciidanka Booliska ee Maamulka Puntiland.
Jenaral Maxamed Sheekh Xasan Xamuud Taliyaha Ciidanka Booliska Soomaliyeed ayaa sheegay in ay qorshaynayaan ka Boolis ahaan in si awood leh loo kordhiyo Tayada iyo hufnaanta shaqo ee Ciidanka Booliska oo uu timaamay in ay tahay Hay’adda kaliya ee ugu faca weyn.
Taliyaha oo sii hadlayay ayaa tilmaamay in Magaalada garoowe ee Caasimadda Maamulka Puntiland uu kula kulmay ku-simaha Madaxweynaha Puntiland ahna kuxigeenka Madaxweynaha Ing Cabdixakiin Cabdullaahi Cumar Cameey isla Markaana Salan kaddib waxa uu sheegay in ay kala warqaateen.
Dhanka kale Taliyaha Ciidanka Booliska Maxamed Sheekh Xasan Xaamuud ayaa Sheegay in saacadaha soosocda uu ka qayb galidoono Munaasabad Tababar loogu soo xiridoono Saraakiil ka tirsan Maamulka Puntiland.
Jenaral Maxamed Sheekh Xasan Xaamuud ayaa shaaciyay in dhawaan dib u Dayactir lagu samayn doono xarumihii Taliska Booliska uu ku shaqay jiray kuwaas oo ku yaalla Magaalada Muqdisho isagoo sheegay in hadda dib u dayactir lagu Wado Xarunta Dambi Baarista ee “C I D”.
Ugu Dambaytii Taliyaha Ciidanka Booliska Soomaaliyeed ayaa sheegay in Socdaalka Uu ku joogo Deegaannada Puntiland marka uu dhamaado uu uga Tallaabi doono Deegaannada ay ka Arrimiyaan Maamullada Jubbalan, Galmudug iyo Deegaanno kale.
Taliska Booliska Soomaaliyeed ayaa muddooyin kaan waday dadaallo waxbadan looga badalayo Hanaanka shaqo ee Ciidanka Booliska meelkasta oo ay Soomaaliya ka joogaa taas oo lagu Ammaani karo Taliyaha Ciidanka Booliska Jenaral Maxamed Sheekh Xasan Xamuud oo markii uu xilkaan la wareegay isku Howllay Tayada Ciidanka Bulshada ee Booliska.
