Taliyaha Ciidanka Asluubta Soomaaliyeed Sarreeye guud Bashiir Maxamed Jaamac iyo Wafdi uu hoggaaminayo oo Shalay soo gaaray Magaaladda Doha ee Dalka Qatar, ayaa maanta la kulmay Taliyaha Xabsiyadda Dowladda Qatar Maxamed Sacuud Alcuteymi iyo Saraakiil kale.
Labada Taliye, ayaa kawada hadlay Xoojinta Xiriirka ka dhaxeeya, Siddii Dowladda Qatar ay uga qeyb qaadan laheyd dib u dhiska Xabsiyadda dalka iyo Horumarintooda, Qalabeynta Ciidanka Asluubta Soomaaliyeed, dib u dayactirka Xarumaha Agoonta dalka iyo arrimo kale, sida uu sheegay Gen Bashiir.
Taliyaha Ciidanka Asluubta Soomaaliyeed Sarreeye guud Bashiir Maxamed Jaamac iyo wafdiga uu hoggaaminayo, ayaa filayaa inta ay ku sugan yihiin Qatar inay la kulmi doonaan Madaxda dalkaasi, iyaggoona booqan doona Xabsiyadda waa weyn ee Qatar.
