Kulankani maanta saraakiisha qeybta 12-April ee Ciidanka Xoogga Dalka Soomaaliyeed ee uu la qaatay Taliyaha Qeybtaasi Janaraal Maxamed Maxamuud Xasan (Janaraal Qaafow) oo qeyb ka ah kulamadoodii caadiga ahaa ayaa ujeedka kulankii maanta waxa uu ahaa dar dar galinta howlaha baaxadda leh ee Qeybta 12-April horyaala.
Kulanka oo uu shir guddoominayay Taliyaha qeybta 12 April ee Ciidanka Xoogga Dalka ayaa warbxin ka dhageystay saraakiisha waaxaha ee qeybta, iyadoo taliyaha uu ka xog wareysanayay qaabka ay u socoto shaqada oo ugu warbixiyay howlaha socda, waxaana dhinaca kale kulankaasi lagu soo bandhigay natiijada darajooyin ay soo saxeen guddi saraakiil iyo wasiiro ah oo ku howlanaa darajo sixida ciidanka Xoogga Dalka Soomaaliyeed oo horey Taliska ciidanka Xoogga dalka Soomaaliyeed u saxay.
Related posts
Kulanka markii uu soo gaba gaboobay kaddib ayaa waxaa warbaahinta Qaranka ugu warbixiyay kulamadaasi iyo waxyaabihii ay kaga hadleen kulankoodii Taliyaha qeybta 12 April ee ciidanka Xoogga Dalka Jen Maxamed Maxamuud Xasan Qaafow.
Qeybta 12 April ee ciidanka Xoogga dalka Soomaaliyeed oo ka howlgasha Magaalada Muqdisho iyo gobolada Shabeelaha Hoose, iyo Shabeelaha Dhexe ayaa ku howlan u qidmeynta shacabiga Soomaaliyeed iyagoo sugaya ammaanka deegaannada iyo degmooyinka ay ku sugan yihiin, waxaana qeyb ka ah la dagaalanka maleeshiyaadka isbaarooyinka u dhiganaya dadka Shacabka ah.
