General Bashiir Cabdi Maxamed Taliye ku xigeenka labaad ee Ciidanka Booliiska Soomaaliyeed ayaa maanta kormeer uu ugu kurgalayo xaaladda Ciidanka Booliiska Galmudug ku tagay qaar ka mid ah xarumaha Ciidanka Booliiska ee Magaalada Gaalkacyo.
Generaal Bashiir Cabdi Maxamed ayaa intii uu guda jiray kormeerkiisa waxa uu warbixinno ku aadan xaalada ay ku shaqeeyaan Ciidanka Booliiska Galmudug ka dhagaystay saraakiisha Ciidanka Booliiska Galmudug, kuwaasi oo faah faahin guud ka siiyay xaaladaha shaqo ee Ciidanka Booliska iyo doorka ay ka qaataan sugidda iyo adkeynta amaanka Magalada Gaalkacyo iyo guud ahaan deegaanada Galmudug,
waxaana ay sheegeen in ay jirto dhibaatooyin la xariira agabyada ay u baahan yihiin in ay ku shaqeeyaan Ciidanka Booliiska Galmudug iyo waxyaabaha xilligaani lama huraanka u ah gudashada waajibaadkooda shaqo sidaas waxaa sheegay taliye ku xigeenka ciidamada Booliiska ee Galmudug G/sare Cabdi Jaamac Cabdule
Taliyaha qeybta Booliiska Gobalka Mudug G/sare Maxamed Nuur Cali Gadaar ayaa isna ku warbixiyay in ay jiraan ciidamo qaba dhaawacyo kusoo gaaray howlo shaqo isla markaana wax looga qaban waayay dalka gudihiisa, kuwaasoo u baahan in ay helaan daawayn caafimaad oo dalka dibadiisa ah waxaana uu ka codsaday taliska sare ee Ciidanka Booliiska Fedaraalka Soomaaliyeed in ay ka caawiyaan sidii ciidamadaasi u heli lahaayeen daryeelka caafimaad ay u baahan yihiin.
Warbixintaasi kadib ayaa waxaa Genaraal Bashiir Cabdi Maxamed uu sheegay in ujeedka socdaalkoodu uu yahay mid la xariira u kuurgalidda xaaladda Ciidanka Booliiska Fedaralka Soomaaliyed iyo sidii loo sii kordhin lahaa isku xirka iyo wadashaqeeynta Ciidanka Booliiska.
