Wafdi Saraakiil ah oo uu hogaaminayo Taliye ku-xigeenka Koowaad ee ciidanka Booliska Soomaaliya ayaa galabta gaaray magaalada Dhusamareb ee xarunta Dowlad goboleedka Galmudug.
Wafdiga ayaa waxaa Garoonka Diyaaradaha ku soo dhoweeyey Saraakiil iyo ciidamo Boolis ah iyo qeybaha kale Bulshada magaalada.
Taliye ku-xigeenka koowaad ee ciidanka Booliska Soomaalyeed Sareeye guuto Cismaan Maxamed Cabdullaahi ayaa muddada uu ku sugan yahay magaalada Dhuusamareeb, wuxuu kulamo la qaadan doono madaxda Galmudug iyo taliska ciidanka Booliska maamulkaas oo uu kala hadli doono sidii loo horumarin lahaa Booliska iyo tayeyntooda.
