Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii saddex iyo tobnaad ku tartamay tartameyaasha Degmooyinka Howlwadaag VS C/casiis oo ka wada tirsan Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee Howlwadaag VS C/casiis ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suโaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Related posts
Howlwadaag
Tartameyaasha Degmada Howlwadaag ee gobolka Benaadir waxaa la weydiiyey todobo Suโaal, waxaana ay si sax ah uga jawaabeen hal suโaal, waxaana ay iska qaldeen lix suโaal, waxa ay ka faa’iideysteen labo su’aal oo soo hareer martay tartamaayasha Degmada C/casiis, hadaba wadarta guud ee dhibcaha tartameyaasha Degmada Howlwadaag ay heleen waxay noqoneysaa lix (6) dhibcood.
C/casiis
Tartamayaasha Degmada C/casiis ee gobolka Benaadir waxaa dhankooda la weydiiyay todobo suโaal, waxa ay ka jawaabeen labo su’aal, waxa ay iska qaldeen shan su’aal, ย waxana ay ka faa’iideysteen labo su’aal oo soo hareer martay tartamayaasha Degmada Howlwadaag, waxaana wadarta guud ee dhibcaha heleen tartameyaasha degmada C/casiis ay noqotay sideed (8) dhibcood.
Tartamayaasha Degmada C/casiis ee gobolka Benaadir ayaa caawa u soo gudbay wareegga labaad ee tartanka.
Hadaba Habeen dambe oo ah habeenka afar iyo tobnaad ee tartan cilmiyeedka Warbaahinta Qaranka hadii uu Alle idmo Barnaamijka oo ah kulankii ugu dambeeyay ee wareegga koowaad, waxaa ku tartami doona tartamayaasha Degmooyinka Yaaqshiid Vs Baydhabo oo ka kala tirsan Gobollada Benaadir iyo Baay.
Mohamed Moalim Hassan White-ka
