Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii kow iyo labaatanaad oo ah wareegga labaad ku tartamay tartameyaasha Degmooyinka C/casiis VS Baydhabo oo ka kala tirsan Gobollada Benaadir iyo Bay, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee C/casiis VS Baydhabo ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suβaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
C/casiis
Tartameyaasha Degmada C/casiis ee gobolka Benaadir waxaa la weydiiyey todobo Suβaal, waxa ay ka jawaabeen hal suβaal oo qura, waxaana ay iska qaldeen lix suβaal, waxaa ay si ka Faa’ideysi ah u heleen saddex suβaal oo soo hareermartay tartamayaasha Degmada Baydhabo, sidaa darteed wadarta guud ee dhibcaha tartameyaasha Degmada C/casiis ay heleen waxay noqoneysaa sideed (8) dhibcood.
Baydbabo
Tartamayaasha Degmada Baydhabo ee gobolka Bay waxaa dhankooda la weydiiyay todobo suβaal, ma jirin hal su’aall oo ay ka jawaabeen, balse waxa ay si ka faa’iideysi ah u heleen labo suβaal oo soo hareer martay tartamayaasha Degmada C/casiis, waxaana wadarta guud ee dhibcaha ay heleen tartameyaasha degmada Baydhabo ay noqotay afar (4) dhibcood.
Tartamayaasha Degmada C/casiis ee gobolka Benaadir ayaa caawa u soo gudbay wareegga saddexaad ee tartanka oo habeen dambe si rasmi ah u bilaabanaya Insha Allah.
Hadaba Habeen dambe hadii uu Alle idmo Barnaamijka waxaa ku tartami doona tartamayaasha Degmooyinka Warta Nabadda Vs Shangaani oo ka wada tirsan Gobolka Benaadir, waxaana uu noqonayaa kulanka koowaad ee wareegga saddexaad ee tartanka.
Β
Β 
Β 
Β 
Sawir Qaade:- Axmed Nuuradiin
