Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulanka saddex iyo labaatanaad oo ah wareegga saddexaad kulankiisa labaad ku tartamay tartameyaasha Degmooyinka Boosaaso Vs Hodan oo ka kala tirsan Gobollada Bari iyo Banaadir, waxaana barnaamijka sanadkii shanaad oo xiriir ah taabagelineya Maamulka Gobolka Benaadir.
https://youtu.be/F9vajQrMIGo
Tartameyaasha labada degmo ee Boosaaso Vs Hodan ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Boosaaso
Tartameyaasha Degmada Boosaaso ee Gobolka Bari waxaa la weydiiyey todobo Su’aal, waxa ay ka jawaabeen Hal su’aal, waxaana ay iska qaldeen lix su’aal, ma jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Boosaaso ay heleen waxay noqotay labo (2) dhibcood.
Hodan
Tartamayaasha Degmada Hodan ee Gobolka Banaadir waxaa dhankooda la weydiiyay todobo su’aal, waxa ay ka jawaabeen saddex su’aal, iyagoo iska qalday afar su’aal, waxa ay ka faa’iideysteen labo su’aal oo soo hareer martay Boosaso, sidaasi darteed wadarta guud ee dhibcaha ay heleen tartameyaasha Degmada Hodan waxay noqotay toban dhibcood (10) dhibcood.
Tartamayaasha Degmada Hodan ee Gobolka Banaadir ayaa caawa u soo gudbay wareegga afaraad ee tartanka, halka tartamayaasha Degamda Boosaaso laga ciribtiray tartanka.
Habeen dambe haddii uu Alle idmo oo ah habeenka afar iyo labaatanaad ee tartanka, waxaa foodda is dari doono, tartamaayasha degmooyinka Warta Nabadda Vs Jilib oo ka kala tirsan Gobollada Banaadir iyo Jubbada dhexe.
