Tartanka Hibada iyo Hal-abuurka Galmudug ayaa Magaalada Dhusamareeb laga Daahfuray iyadoo lagu Maamuusayo Allaha u Naxariistee Mulaxankii Soomaaliyeed Cabdikariin Faarax Qaarey (Jiir) oo Dhowaan Geeriyooday.
Bandhigan Hibada iyo Hal-abuurka Galmudug ayaa waxaa iska Kaashanaya Wasaaradda Warbaahinta, Dhanka iyo Dalxiiska Galmudug iyo Golaha Abwaanada Soomaaliyeed, Agaasimaha Guud ee Waasarada Warfaafinta Galmudug Cabdiwali Jaamac Barre ayaa ugu horayn ka waramay Daahfurka Barnaamijkan.
Waqtiga loo Qorsheeyey in la bilaabo Madashan ayaa waxaa ka warbixiyey Agaasimaha Waaxda Fanka iyo Suugaanta ee Wasaaradda Warfaafinta Galmudug Shariif Xasan Tahaliil (Shaaciye).
Abwaan Xirsi Dhuux Maxamed Guddoomiyaha Golaha Abwaanada Soomaaliyeed ayaa u Mahad Celiyey Howlwadeenada Telefeshinka iyo Raadiyaha Galmudug Gaar ahaan Agaasime Cabdiqani Xasan Maxamed (Qoor-dheer) oo Howshan iyagu kaalin ku leh.
Hirgalinta Madal Hal-abuur ee Galmudug ayaa Fursad u noqanaysa dadka Wax curriya iyo Hal-abuurada Galmudug waxa ayna ku soo bandhigi doonaan Hibadooda.
