Kulankaan oo loogatashanayay udiyaar garowga Cayaarha Maamul Goboleedyada oo ay ku baratami doonaaan 5 koox oo ka socota Dowlad goboleedyada xubnaha ka ah Dowlada Dhexe iyo koox ka socota gobolka Banaadir oo marti galinaya 15 ka bisha soo socoto ee July ayaa waxaa Wasiirka Dhalinyarada uu la qaatay Guddiyada Xiriirka Kubada cagta ,cayaaraha Fudud iyo madaxda Wasaaradaha dowlad goboleedyada.
Markii uu soo dhamaday ayuu Warbaahinta Qaranka uga warbixyay qaabka ay ciyaraha u dhacayaan isgoona dhanka kale sheegay in Wasaaraddu ay u magacowday guddi qaban qabo oo ka koban 7 xubnood.
Dhankale Wasiirka ayaa soo hadal qaaday garoonka Kubada Cagta ee Stadium Muqdisho, isagoo sheegay in bisha Ramadaan kaddib ay bilaabanayso dayactirka lagu smaynayo Garoonka.
“Anigoo ka fa’ideysaya fursadaan waxaan rabaa in aan la wadaago shacabka in wixii ka dambeeya bisha Ramadaan waxaa bilabanaysaa dhismaha iyo dayactirka lagu samaynayo garoonka isbartiibo dad weynaha, waxaan rabnaa in aan adduunka tusno in dadka Soomaaliyeed ay wax qabsan karaan oo gacmahooda ay ku dhisan karaan hadaba, waxaa leydin ka codsanaa inaa nagala shaqaysaan si aan u dhisno xaafadda is bartiibo”ayuu yiri Wasiirka Dhallinyarada iyo Isboortiga.
