Wasiir ku xigeenka wasaaradda dhalinyarada iyo ciyaaraha Xukuumadda Soomaaliya Cismaan Aadan Dhuubow ayaa guddoonsiiyay koobab iyo abaal marino kooxihii kaalmaha hore ka galay tartan kubadda cagta ah oo ay soo qabanqaabisay Jaamacadda Plasma kaasi oo dhexmaray kooxo ka kala socday dugsiyada sare ee gobolka banaadir.
Guddoomiyaha Jaamacadda Plasma Xasan Maxamed Xasan oo goobta warbaahinta kula Hadlay ayaa uga mahadceliyay xiriirka kubadda cagta ah ee Soomaaliyeed gacantii ay ka geysteen hirgalinta tartankaasi.
Related posts
Wasiir ku xigeenka dhalinyarada iyo ciyaaraha xukuumada Soomaaliya mudane Cismaan Aadan Dhuubow oo isna la Hadlay warbaahinta ayaa bogaadiyay kooxaha ka qeyb galay tartanka Sports-ka ee Jaamacada Plasma soo gabagabeysay waxaana uu sheegey in tartamada ceynkani ah ay qeyb ka qaadanayaan nabadda iyo isdhexgalka bulshada.
Garoonka koonis oo abaalmarinada lagu bixinayay ayaa waxa ka soconayey ciyaar ka tirsaneyd horyaalka Soomaaliya oo dhexmareysay kooxaha Heegan iyo Jeenyo Wasiirku xigeenka dhalinyarada iyo ciyaaraha ayaa sidoo kale gacan qaaday ciyaartoyda labada kooxood ee galabta ciyaarayay, waxaana ciyaartii maanta ay heegan guusha ku raacday iyadoo ku 2 Gool kaga adkaatay kooxda jeenyo.
