Shaqaalaha samatabixintaTurkiga iyo Suuriya oo ku howlan badbaadinta iyo aruurinta khasaaraha ka dhashay Dhul-gariirkii shalay ku dhuftay labada dal ayaa sheegay korar ku yimid dadkii ku dhintay musiibadii ka dhacday dalalkan jaarka ah.
Wadarta guud dadka ku dhintay Dhul-gariirkii ku dhuftay labada dal ayaa gaaray in ka badan 4,300 oo qof, kaasoo ugu xooggiisa lagu sheegay 7.8 darajo.
Kooxaha gargaarka Turkiga ayaa sidoo kale xaqiijiyay burburka in ka badan 5,600 oo dhismo, oo ay ku jiraan dhismayaal dabaq ah.
Hay’adda Maareynta Musiibooyinka Turkiga, ayaa ku dhawaaqday in tirada dadka ku dhintay Turkiga ay gaartay 2,921, taasoo wadarta guud ee dadka ku dhintay Turkiga iyo Suuriya ka dhigaysa 4,365 ruux.
