32 qofood oo rayid u badnaa ayaa ku geeriyootay laba qarax oo barqanimadii maanta ka dhacay waqooyiga magaalada Gaalkacyo tiro intaa ka badana wey ku dhaawacmeen.
Dadkii ku dhaawacmay qaraxyadaasi ayaa loola cararay Isbitaalada magaalada Gaalkacyo kuwaasoo ay ku jiraan kuwo xaaladooda ay aad u liidato.
Goobta qaraxyadu ka dhaceen oo ah suuqa loo yaqaano xero Dayax ayaa la sheegay in mas’uuliyiin ka tirsan maamulka Puntland ay wax yar ka hor ย ka baxeen halkaasi, waxaana daqiiqado ka dib halkaasi ka dhacay laba qarax oo loo adeegsaday gawaari walxaha qarxa laga soo buuxiyay.
Mas’uuliyiinta maamulka Puntland weli kama aysan hadlin qaraxyadaasi iyo qasaaraha rasmiga ah ee ka dhashay.
Maleeshiyaadka Shabaab ee looga bartay iney si xaq darro ah ku daadiyaan dhiigga muwaadiniinta Soomaaliyeed ee muslimiinta ah ayaa sheegtay mas’uuliyadda weeraradaasi bahalnimada ah.
