Tirada saxafiyiinta reer Falastiin ee ku geeriyootay duqeynta joogtada ah ee Isra’iil ay ka wado magaalada Qaza tan iyo 7-dii bishan October ayaa gaaray ku dhawaad Labaatameeya ruux.
Ururka suxufiyiinta Falastiiniyiinta ayaa bayaan ay soo sareen sku sheegay in illaa markii ay bilowden duqeymaha ay Isra’iil ku haysa magaalooyinka Falastiin, gaar ahaan Qaza ay waxyeello kala duwan ka soo gaartay Saxaafadda ka howlgasho magaalada.
Bayaanka Suxufuyiintan ayaa lagu sheegay in duqeymahii ugu denbeeyay ay ku geeriyodeen Wariyaal ay ka mid ahayeen Rushdi Al-Sarraji iyo Khaliil Abu Adxa.
Sida ay baahisay Wakaalladda Wararka Falastiin gabal dhicii shalay, waxaa duqeyn ka dhacday meel u dhow gurigiisa oo ku yaalla Xaafadda Sheekh Radwaan ee magaalada Gaza, ku geeriyooday Weriye Maxamed Imad, kaasi oo tirade guud ee Suxufiyiinta ku dhintay duqeymaha Isra’iil ka dhigaya 19 Wariye
