Toogasho sababtay Dhimasho iyo dhaawac oo ka dhacday Kanada

Haweeney ayaa ku dhimatay,13-ruux oo kalana waxaa soo agaaray dhaawacyo,kadib markii nin hubeysan uu rasaas ku furay dad ku sugnaa magaalada Toronto ee dalka Kanada.

Gabar 9-sano jir ah ayaa la sheegay in uu daran yahay dhaawaca soo gaaray sida ay xaqiijiyeen ciidamada Boliiska,

Shilkaasi oo ka dhacay  deegaanka Greektown ee bartamaha magaalada Toronto,waxaana la tilmaamay in ninkii hubeysnaa ee ka dambeeyay falkasi in uu ku dhintay rasaas ay isweydaarsadeen isaga iyo ciidamada Booliiska.

Boliiska magaalada Toronto ayaa sheegay in ay wadaan baaritaanno la xiriira sababaha dhaliyay weerarkaasi iyo aqoonsiga cidda geysatay falkaasi.