Turkiga, oo horey u soo celiyay xiriirka Ruushka iyo Israel uu la lahaa ayaa hadda waxaa uu qorsheynaya in uu soo celiyo xiriirkii kala dhexeeyay dalalka Masar iyo Suuriya, sida uu dhowaan sheegay ra’iisul wasaaraha Turkiga.
“Ilaahay mahadii, waxaa soo celin doonaa xiriirkii aan la laheyd Masar iyo Suuriya” sidaa waxa sheegay ra’iisul wasaare Binali Yildirim.
Ra’iisul wasaare Binali Yildirim ma sheegin waqtiga xiriirkaas la soo celinaayo, iyadoo dadka siyaasadda ka faalooda ay ku tilmaameen in Turkiga uu doonayo in uu wanaajiyo dhammaan cilaaqaadka uu la leeyahay wadamada Carabta.
Turkiga ayaa mudo dheer waxaa uu madaxweynaha dalka Suuriya Bishaar Al-Asad ugu baaqayay in uu xilka ka dego si dhibaatada wadankaas ka jirta loo xakameeyo, hase yeeshee mowqifka Turkiga ayaa isbedeley iyadoo arimo badan lagu micneeyay isbedelkaas, waxaana Turkiga uu ka walacsan yahay in Suuriya ay u kala go’do labo qeybood oo xuduuda Turkiga ay ka abuuranto maamul ay yeeshaan Kurdiyiinta.
Sidoo kale, xiriirka ka dhaxeyn jirey Turkiga iyo Masar ayaa istaagay markii madaxweynihii dalkaas ee Maxamed Mursi ay xukunka ka tuureen ciidanka wadankaas oo uu hogaaminayay C/fitax Al Sissi, isla markaana xabiga lagu tuurey madaxweyihii sida dimoqraadiga ay u soo doorteen dadka Masaarida ah.
Turkiga ayaa dhowaan dib u soo celiyay xiriirkii uu la lahaa Israel oo muddo cilaaqaadkoodu aad u xumaa.
