Ururka 7-aad ee Guutada 16-aad ee Kumaandooska Danab ee ciidanka xoogga dalka ayaa deeq raashin ah gaarsiiyey qoysas dan yar oo ku dhaqan deegaanka Daa’if ee hoostagta Caasimadda Dowlad Goboleedka Hirshabeelle ee Jowhar.
Saraakiisha ciidanka Kumaandooska Danab ee uu ka mid yahay Taliyaha Saadka ururka xidigle Cabdulqaadir Abshir Cumar Abshiroow oo ku sugan goobta raashinkan lagu qeybinaaye ayaa tilmaamay inay Ciidanka Kumaandooska Danab ay u taaganyihiin Difaaca Dalka iyo garab istaaga shacabkooda Soomaaliyeed, kuwooda tabaaleysan
Qaar ka mid ah dadkii raashinka la siiyay ayaa ka mahadceliyey kaalmada ay ciidanka Danab soo gaarsiiyen, iyagoo xusay in deeqdan ay ku soo aaday xilli ay baahi weyn u qabeen, isla markaana tilmaamay in ciidanka xoogga Dalka gaar ahaan Danab ay wax badan ka qabteen magaalada Jowhar iyo tuulooyinka ku teedsan.
Ciidanka Kumaandooska Danab ayaa waxay mar walbo u taaganyihiin Difaaca Dalka iyo u kaalmeenta shacabkooda Soomaaliyeed.
