Ururka Dhagoolayaasha Soomaaliyeed ee marka magacooda la soo gaabiyo loo yaqaano “SONAD” ayaa 21-ka bishaan qabtay dabaal degga todobaadka Dhagoolayaasha caalamka “International Week of the Deaf”.
Todobaadka Dhagoolayasha ayaa ayaa laga xusaa Aduunka Sanad walba marka la gaaro bisha Septeber.
Xafladda dabaal dagga ayaa ka dhacday xarunta iskuulka dhagooalayaasha Soomaaliyeed ee Magaalada Muqdisho waxaana ka qayb galay marti sharaf kala gadisan.
Xoghayaha guud ee Ururka dhagoolaayasha Soomaaliyeed Muuse Xasan Axmed ayaa ka hadlay xafladda isagoo ku dheeraaday sida xuska todobaadka uu muhiimad gaar ah ugu leeyahay dadka Dhagaha la’a ee Soomaaliyeed.
Muuse Xasan ayaa sheegay in dabbaal dagga Todobaadkan uu halku dhigiiso yahay “luuqadda Ishaarada waa u mihiim Carruurta Dhagaha la’a”.
Dhanka kale Xoghayaha Ururka Dhagoolayaasha Soomaaliyeed Muuse Xasan ayaa sheegay in haddii Carruurta Soomaaliyeed ay bartaan luqadda Ishaarada in ay awoodi karaan inay wax bartaan oo ay heer fiican ka gaaran waxbarasha.
Guddoomiye ku xigeenka Ururka Dhagoolayaasha CIsmaan Maxamed Nuur oo isna ka hadlay xafladda ayaa sheegay in muhiim ay tahay in waxbarasho tayo leh loo helo Carruurta Maqalka la’a ee Soomaaliyeed hase ahaatee ay ku xirantahay in horumar la gaarsiiyo luqadda ishaarada.
Qarka mid ah macallimiinta Maqalka la, oo Xaflad lagu furayay Iskuul ay wax ku baran doonaan dadka nuucaas ah ayaa sheegay inay aad u dhiiri galinayso Arrintaan dhammaan dadka Dhagoolashaasha ah.
Waxaa goobta laga aqirayay qoraal uu soo direy Gudoomiyaha Ururka Dhagoolaayasha Soomaaliyeed Abuubakar Shiikh Cabdulle oo si wayn uga hadlay muhiimadda uu u leeyahay todobaadkan dadka Maqalka la’a ee ku nool Soomaliya iyo Adduunka.
Abuubakar ayaa ugu baaqay Dowladda Soomaaliyeed in ay saxiixdo “Convention of right of person with disability (CRPD) oo ah Mabda’a Caalaamiga ah ee QM ay soo saartay si lay u helaan xuquuqdooda.
