Wafdi ballaaran oo uu horkacayo wasiirka maaliyada maamul goboleedka K.Galbeed ee soomaaliya mudane Sh Xasan Lubuur oo ay wehliyeen Masuuliyiin ka tirsan maamulka Degmada xuddur, saraakiisha ciidamada xooga dalka soomaaliyeed, saraakiisha ciidamada AMISOM ee kasocota dalka Ethopia iyo Qaar kamid ah Qeybaha Bulshada rayidka ayaa laga soo dhaweeyay Deegaanka Doonfuul Ee gobalka Bakool.
Deegaanka Doonfuul oo Qiyaastii 15Km dhanka Waqooyi kaga Aadan Degmada Xudur Ee Xarunta Gobalkaasi ayaa dhawaan laga Xoreeyay maleeshiyaadka Ururka Gummaadka Soomaaliyed Ee UGUS.
Soo Dhaweyn kadib Guddoomiyaha Degmada Xudur Maxamed Macalin oo ka hadlayay Goob fagaare ah oo ah shacabka ku nool degmadaasi isugu soo bexeen, isagoo ugu baaqay dadweynahii ka barakacay deeganadaasi in ay dib ugu soo laabtaan,
ayna la shaqeeyaan Ciidamada Amaanka.
Nabaddoon Raahooy Xasan “Kaba la’aan” oo la hadlayay dhalinyarada Deegaanka aya ku boorriyay in ay ka fogaadaan Marin habaabinta Ugus isla markaana ay ka soo baxaan kuwa la qalday ee dhulka Howdka ah ku Go’doonsan si ay mar kale dadkooda ula midoobaan.
Ugu dambeyntii Wasiirka Maaliyadda Konfur Galbeed Soomaaliya Ayaa sheegay in Reer Bakool ay dhigeen Taariikh lama Ilaawaan ah oo key dayasho mudan, loogana baahanyahay in ay sii wadaan la shaqeynta Maamulka Degmada iyo Laamaha Amaanka.
Mudane Lubuur ayaa Shacabka ku nool deegankaasi u ballan qaaday in ay ka caawin doonan Hormarka iyo waxbarashada deegaanka ayna heli doonan Adeegyada Bulshada iyo Waxa ay Xaqa u leeyihiin.
