Waxaa maanta booqasho ku tegay xarunta Wasaaradda caafimaadka Puntland wafti ka socda Bank Adduunka oo uu hogaaminayo Dr. Zubayr uuna wehelinaysay Alma.
Wasiirka Wasaaradda Caafimaadka Dowlad Goboleedka Puntland Dr- Jaamac Faarax Xasan oo uu weheliyo agaasimaha guud Dr Cabdirisaaq Xirsi Xasan ayaa kulan kula qaatay xafiiskiisa waxaana ay ka wada hadleen mashaariicda Bangiga adduunka ka tageero Wasaaradda, gaar ahaan mashruuca Marwo Caafimaad.
Kulanka inta uu socday ayaa diiradda lagu saaray halka mashruucaasi marayo dadaalka socda iyo sidii loo sii hormarin lahaa.
Wasiirka Wasaaradda Caafimaadka Puntland Dr Jaamac Faarax ayaa ku soo dhaweeyay xarunta Wasaaradda waftiga, waxaana uu warbixin ka siiyay guud ahaan halka uu marayo caafimaadka Puntland dadaalka loogu jiro ka hortagga COVID-19, soo dhawaynta kadib waxaa shirka sii hogaamiyay Agaasimaha guud Dr Cabdirisaaq Xirsi oo faahfaahin ka siiyay mashaariicda ay ka wada shaqaynayaan bangiga Adduunka, barnaamijka Marwo Caafimaad.
Dr Zebeyr ayaa sheegay in booqashadooda ay la xiriirta sidii ay usoo ogaan lahaa mashaariicda Wasaaradda ay ka wada shaqaynayaan horumarka laga gaaray iyo qorshayaasha socda, waxa uu Wasaaradda ku bogaadiyay horumarka ka socda caafimaadka deegaannada Puntland.
