Wafdigaan uu hogaaminayay Madaxweyne Ku-xigeenka Galmudug Maxamed Xaashi Cabdi oo socdaal dhulka ah uga soo ambabaxay aroornimadii hore ee saaka Degmada Caabudwaaq oo maalmahaan ay ku sugnaayeen ayaa duhurnimadii maanta soo gaaray magaalada Gaalkacyo ee xarunta Gobalka Mudug.
Related posts
Wafdiga Madaxweyne ku-xigeenka ayaa ku dhawaad 10 km dhanka koofureed meel ka xigta magaalada Gaalkacyo waxaana ku soo dhaweeyay mas’uuliyiin ka tirsan kuwa dowlad Gobaleedka Galmudug
Uguย horeyna soo dhaweynta wafdiga Madaxweyne ku-xigeenka Galmudug ayaa waxaa ka hadlay duqa degmada Galkacyo xirsi Yuusuf Barre Guddoomiyaha Gobalka Mudug Cabdirashiid Xaashi Cartan iyo Wasir ku-xigeenka Wasaaradda Dhallinyarada iyo Cayaaraha Abshir Cabdi Sheekhoow, kuwaa oo sheegay in ay aad ugu faraxsan yihin imaanshaha wafdiga uu horkacayo Madaxweyne ku xigenka, iyagoo faah faahin ka siiyay xaaladda amniga Galkacyo iyo halka ay marayaan tartankii cayaaraha kubadda cagta Degmooyinka Dalka, qarkood kaaย oo maanta lagu wado in lagu soo gaba gabeeyo magaalada Gaalkacyo.
Madaxweyne ku-xigeenka Dowlad Goboleedka Galmudug Maxamed Xaashi Cabdi ayaa sheegay in ujeeddada socdaalkooda ay la xiriirto u kuur gelidda xaaladda amniga iyo horumarka ka jirta magaalada Gaalkacyo.
