Wasiirada Howlaha Guud heer Federaal, Heer dowlad goboleed iyo Maamulka Gobalka Banaadir ayaa ka qeybgalay kulan looga hadlayay wejiga 2aad ee mashruuca NAGAAD oo lagu soo gabagabeeyay dalka Kenya.
Kulanka oo socday muddo labo cisho ah ayna shirgudoominayeen Wasiirka Howlaha Guud, dib u dhiska iyo Guriyeynta ee Xukuumadda Federaalka Soomaaliya Mudane Cabdisalaan Cabdi Cali (Dhaay) iyo Wasiiru-dowlaha wasaaradda Howlaha Guud ee Soomaaliya mudane Bashiir Maxamed Jaamac ayna ka qeybgaleen mas’uuliyiin ka socday Maamulka Gobalka Banaadir, Wasiirada howlaha Guud ee Dowlad Goboleedyada iyo wakiilo ka socday Bankiga Adduunka ayaa looga hadlay mashruuca NAGAAD oo ah mashruuc ku saabsan horumarinta magaalooyinka iyo xoojinta awoodda dowladaha Hoose ee bixinta adeegyada iyo dhismaha kaabayaasha dhaqaalaha dalka, kaasi oo lagu soo gabagabeeyay magaalada Nairobi ee dalka Kenya.
Related posts
Shirka waxaa kaloo looga hadlay in wejiga 2aad ee Mashruuca NAGAAD laga hirgeliyo magaalooyinka laga xoreeyay khawaarijta si bulshada ay u helaan mashaariicda horumarinta magaalooyinka .
Agaasinaha Guud ee howlaha Guud ee Gobalka Banaadir mudane Cabdirashiid Ibraahim Maxamed ayaa xusay in wajiga 2aad ay wax badan ka faa’iideysan doonaan.
Qaar ka mid ah Wasiirada howlaha Guud ee dowlad Gobolleedyada oo shirka kadib Warbaahinta la hadlay ayaa tilmaamay in Mashruuca NAGAAD uu salka ku hayo horumarinta magaalooyinka.
Dhinaca kale Wasiirka Howlaha Guud iyo Guriyeynta Xukuumadda Federaalka Soomaaliya Mudane Cabdisalaan Cabdi Cali ayaa kukan duceedyo mira dhal ah qaatay Madaxa Bankiga Adduunka ee Soomaaliya iyo Peter Else oo madax ka ah qeybra horumarinta magaalooyinka ee Mashruuca NAGAAD
