Wakiilka xoghayaha guud ee Qaramada Midoobay u qaabilsan Soomaaliya Michael Keating iyo wefdi uu hoggaaminayo ayaa maanta gaaray magaalada Cadaado.
Madaxweynaha maamulka Galmudug iyo masโuuliyiin kale oo ka tirsan maamulka ayaa wafdigaasi si diirran ugu soo dhaweeyay magaalada Cadaado, waxaana xubnaha la socday Keating ka mid ahaaย danjireyaasha dalalka Maraykanka, Ingiriiska, Talyaaniga, Sweden, Uganda, Itoobiya, Midowga Yurub, Midowga Afrika iyo urur goboleedka IGAD.
Related posts
Ujeeddada socdaalka wafdigaasi, ayaa lagu sheegay in ay tahay in maamulka Galmudug ay kala hadlaan goโaannadii ka soo baxay shirkii madasha wada-tashiga ee dhowaan lagu soo gabobageeyay magaalada Muqdisho.
Madaxweynaha Galmudug, Cabdikariin Xuseen Guuleed, oo hadal kooban siiyay saxaafadda ayaa sheegay in ay ku faraxsan yihiin socdaalka wefdiga beesha caalamka uu maanta ku tagay magaalada Cadaado.
Wafdigan uu hoggaaminayo Michael Keating ย ayaa horay u tagay magaalooyinka Kismaayo, Baydhabo iyo Garoowe, si maamullada ka jiro magaalooyinkaas ay ugu qanciyaan goโaankii ka soo baxay shirki madasha wada-tashiga.
