Wararka aan ka heleyno magaalada Beledweyne ayaa sheegaya in qarax khasaare dhaawacyo ah geystay uu ka dhacay afaafka hore ee garoonka diyaaradaha ee Ugaas Khaliif ee magaaladaasi.
Gaashaanle dhexe Cali Dhuux Cabdi Mahad Alle taliyaha ciidanka booliska ee degmada Beledweyne oo la hadlay Radio Muqdisho ayaa sheegay in qaraxa uu ahaa mid ku jiray baarsooyin, isla markaana uu ku qarxay afaafka hore ee garoonka.
βNasiib wanaag Lab top ayaa qarxay, waxaana uu ku qarxay afaafka hore ee garoonka, ciidamadu waxa ay ku guuleysteen inay qaraxyo ka furan labo waxyaabo kale oo qaraxyada lagu soo xiray, kuwaasi oo ay ka midyihiin Printer, waxaana ku dhaawacantay Lix ruux, oo labo ka mid ah ay ahaayeen ciidanka booliska, halka inta kale ay shacab yihiinβ ayuu yiri Taliyaha saldhiga booliska ee Beledweyne.
Taliyaha ayaa tilmaamay inay wadaan baaritaanno dheeraad ah oo ay ku ogaanayaan cidda ka dambeysay qaraxa.
