Waxaa hoolka Afisyoone ka socota qaban qaabada xafladda dhaalinta xildhibaanada labada aqal ee baarlamaanka 11 aad ee Jamhuuriyadda Soomaaliya, guddiga doorashooyinka ayaa horey u diiwaan geliyay in ka badan 200 oo xildhibaan, maanta waxaa shahaaddada qaadayana tiro kale oo aad u badan oo ka imaanaya badankood Koofur Galbeed, ka dib markii guddiga fasaxeen labo kamid ah sadexda kursi ee guddiga doorashooyinka horey u diiday natiijada doorashadooda.
Ammaanka ayaa si weyn loo adkeeyay, ciidanka dowladda iyo ATMIS ayaa sugaya amniga goobta lagu qabanayo dhaarinta xildhibaanada.
