Xasan Aadan oo ka tirsan Taliyaasha Ciidamada Xoogga Dalka Soomaaliyeed ayaa faah-faahin dheeriya ka bixiyay Dagaal Ciidamada Xoogga Dalka Soomaliyeed shalay kula wareegeen deegaano ka tirsan Gobalka Jubbada hoose oo ay maleeshiyaadka nabad iyo nolal diidka ah ee Al shabaab ku dhibaatayn jireen Shacabka Soomaaliyeed.
Taliye Xasan Aadan oo la hadlay Warbaahinta Qaranka ayaa sheegay in Ciidamada Xoogga Dalka Soomaaliyeed iyo maamulka Jubbaland oo iskaashanaaya ay maleeshiyaadka Al-shabaab ka saareen deegaanada Baar sanguuni,Gosha iyo miir kori halkaas oo maleeshiyada Al-shabaab ku sugnaayeen iyagoo dhibaatooyin kala duwan ku haayay Shacabka Soomaaliyeed hasayeeshee Ciidamada Xoogga Dalka u suura gashay in nabad iyo nolal diidka kala wareegaan gacan ku haynta deegaanadaasi.
Dagaalkan oo qaatay saacado badan ayna ka qeyb qaateen diyaarado Dagaal ayuu sheegay Taliye Xasan Aadan in maleeshiyaadka nabad iyo nolal diidka ah ee Al-shabaab gaarsiiyeen khasaare Xoogan isagoona tilmaamay in Ciidamada Xoogga aysan gaarin wax khasaare ah maadaamada Dagaalku ahaa mid qorsheysan.
Ciidamada Xoogga Dalka Soomaaliya ayaa dhawaanahanba maleeshiyaadka nabad iyo nolal diidka ah ee Al-shabaab ka saaray deegaano iyo tuulooyin badan oo dhaca koonfurta iyo bartamaha Dalka oo maleeshiyaadku ku dhibaatayn jireen Shacabka Soomaaliyeed
