1-Madaxweyne Xasan Sheekh Maxamuud oo Mudane Cabdikariim Xuseen Guuleed iyo Maxamed Cabdi Waare uu kala magacaabey inay noqdaan ergo heer qaran oo qaabilsan arrimaha Somaliland iyo xasilinta.
2- Madaxweyne Xasan Sheekh Maxamuud oo warqadaha aqoonsiga danjirenimo ka guddoomay danjireyaasha dalalka Djibouti, Canada iyo Cuba.
3- Ra’iisul Wasaare Xamza Cabdi Barre oo bogaadiyay Hawlgalka Midowga Afrika xilli ATMIS ay xuseyso sannadguuradeedii 1aad tan iyo markii la dhisay.
4- Ra’iisul Wasaare Xamza Cabdi Barre oo guddoomiyay shir looga hadlayey wejiga labaad ee dagaalka ka dhanka ah Khawaarijta iyo xoreynta dalka.
5- Wejiga labaad ee dagaalka looga soo horjeedo Khawaarijta Al Shabab oo dhowaan bilaabanayaa, kaas oo ay qeyb ka noqonayaan dalalka deriska oo taageeraya Dowladda Soomaaliya.
6- Golaha Wasiirada Xukuumadda Federaalka Soomaaliya oo ansixiyey sharciga nidaaminta gaadiidka Mooto Bajaajta.
7- Hay’adda Maareynta Masiibooyinka Qaranka oo gargaar aadminimo gaarsiisay Baardheere, Xuddur iyo Mesagawaa iyo barakacayeesha ku nool Gobolka Banaadir.
8- Xafiiska Xeer Ilaaliyaha Guud ee Qaranka oo loo soo gudbiyay kiisas la xiriira lacag dhaqidda iyo maalgelinta argagixisada.
9- Dowladda Soomaaliya oo ku dhawaaqday in guud ahaan la curyaamiyay hannaankii maaliyadeed ee Khawaarijta.
10- Cabdi Xasan Hulbaale oo ka mid ahaa horjoogeyaasha Khawaarijta Al Shabab oo isku soo dhiibay Ciidanka Xoogga Dalka ee sugan Gobolka Shabeellaha Hoose.
11- Laba xubnood oo Khawaarijta ka tirsan Bishaar Shardi Maxamed Xasey iyo Yusuf Suleyman Abukar Jirow Salaaxudiin ayaa isku soo dhiibay Ciidanka Daraawiishta Galmudug.
12- Horjooge Xuseen Daahir Maalin Dhegay oo Khawaarijta Al Shabab ugu qaabilsanaa weerarada shacabka lagu waxyeeleeyo ayaa isku soo dhiibay Ciidanka Xoogga Dalka ee ku sugan Degmada Ceel Dheer ee Dowlad Goboleedka Galmudug. Horjooge Calas Ibraahim Axmed Barre ayaa isna lagu soo qabtey hawlgal isla degaankaasi ka dhacay.
13- Ciidamada Xoogga Dalka oo tuulada Makuude ee duleedka Baydhabo ku dilay 14-ka mid ah Khawaarijta Al-Shabaab.
14- Wasaaradda Arrimaha Gudaha oo bilowday inay gargaar cunto ah u fidiso dadka ku nool degaannada laga xoreeyay Al Shabab, iyadoo la fulinayo hal ku-dhigga Nabad ku Afur.
15- Guddiga Tartanka Adeegga Xajka sanadka 2023 ayaa soo saaray liiska 75 shirkadood oo ku guuleystay bixinta adeegga xajka ee sannadkan.
