Wariyaha Radio Muqdisho ee gobolka Bay gaar ahaan magaalada Baydhabo oo ku sugnaa xilliga ay qaraxyadu dhacayeen meel aan ka fogeyn goobaha ay wax ka dheceen ayaa markiiba goobta tagay, waxaana uu ku soo waramayaa in dhimashadu ay aad u badan tahay, dhaawacuna ka sii daran yahay, xaaladduna ay wali kacsan tahay, isla markaana ay socdaan dadaalo loogu gurmanayo dadkii ay waxyeelada ka soo gaartay.
Wasiirka Maaliyadda Dowlad gobaleedka Koonfur Galbeed Soomaaliya Xasan Ibraahim Xasan Oo Radio Muqdisho la hadlay Cusbitaalka Guud Ee Magaalada Baydhabo ayaa sheegay in Argagixisadu ay Beegsadeen Shaqaale kuwa dhismaha ka shaqeeya Oo Feyl ugu Jiray Gaadashada Gunno Maalmeedka ay ku maanta ku howlgalayeen,Halka Qaraxa kalana uu gaari walxaha Qarxa laga soo buuxiyay oo la dhigay Bartamaha Magaalada.
Ciidamada ayaa Amaanka Adkeeyay iyadoo Bandow lagu soo Rogay Magaalada Beydhaba si looga Hortago Isku dayo kale oo Argagixisadu ku waxyeeleyso goobaha ay dadka shacabka ah ku badanyihiin.
halkaan ka dhageyso. Wariye Siraaji Shiek Isxaaq
