Wasaaradda Qorsheynta, Horumarinta, Dhaqaalaha iyo iskaashiga Caalamiga ee Dowlad Gobaleedka Galmudug ayaa maanta shir wada-tashi ah la yeelatay Hay’adaha Wadaniga ah iyo kuwa Caalamiga ah ee ka howlgala Deegaanada Galmudug.
Ujeedka shirka ayaa ah in hay’adaha ka Howlgala Galmudug lagala tashado Xeerka oo ay Wasaaraddu doonayso in la sharciyeeyo si uu Bud-dhig ugu noqdo shaqooyinka socanaya.
Wasiirka Wasaaradda Qorshaynta Mudane Cabdinaasir Geelle Cilmi oo daah furay shirka ayaa sheegay in ay wadaan wadatashiyo ku aadan xeerka ay Wasaaradda gacanta ku heyso inta aan la hor gayn golaha Wasiirada iyo Baarlamaanka Galmudug.
Ugu dambayn Agaasimaha Wasaaradda Qorshaynta Galmudug Cabdullaahi Sakiin oo shirkan soo gabagabeeyey ayaa uga mahadceliyey ka qaybgalayaasha sida wanaagsan ay aragtidooda u soo gudbiyeen, waxa uuna xusay inay Wadashaqayntu tahay mid lagama maarmaan ah
