Kulankaan oo ahaa mid looga wada hadlay xoojinta iskaashiga iyo wada shaqeynta labada wasaaradood ee Ganacsiga iyo Maaliyadda ayaa maanta ka dhacay magaalada Muqdisho.
Kulanka oo ay goob-joog ka ahaayeen labada Wasiir ee Wasaaradaha Ganacsiga iyo Maaliyadda, ayaa loogga hadlay arrimo la xiriira Ganacsiga ka soo dega iyo midka laga dhoofiyo dekedda, diiwaan-gelinta shirkadaha iyo dakhliga iyo tayo dhowrka xog wadaaga.
Wasiirka Wasaaradda Ganacsiga iyo Warshadaha Soomaaliya mudane Cabdullaahi Cali Xassan iyo Wasiirka Maaliyadda mudane Cabdiraxmaan Ducaale Beyle ayaa si wadajir ah u qiray horumarka weyn ee dalku uu uga tilaabsaday dhan walba,iyagoo carrabka ku adkeeyay in ay sii dardar gelin doonaan wada-shaqeynta iyo iskaashiga labada wasaaradood.
