Wasaaradda Amniga Gudaha Dowlad Goboleedka Galmudug ayaa qabatay tababar dib-u-xoojin aqooneed iyo xirfadeed oo loogu talagalay saraakiisha iyo xubnaha Ciidanka Booliska Galmudug (Refresher Training – In-Service Training for the Galmudug Police).
Tababarkan ayaa waxaa ka qaybgalaya saraakiil iyo xubno ka tirsan Ciidanka Booliska Galmudug, iyadoo ujeeddadiisu tahay kor u qaadista aqoonta, xirfadaha shaqo iyo tayada hawl-fulineed ee ciidanka, si loo horumariyo adeegyada amni ee bulshada loo hayo.
Tababarka ayaa diiradda lagu saarayaa dib-u-xusuusinta iyo xoojinta aqoonta boolisnimo, horumarinta xirfadaha shaqo, kor u qaadista anshaxa iyo hab-dhaqanka xirfadeed, iyo xoojinta awoodda saraakiisha iyo ciidamada ee gudashada waajibaadkooda amni.
Sidoo kale, tababarku wuxuu qayb ka yahay dadaallada Wasaaradda Amniga Gudaha Dowladda Galmudug ee lagu tayeynayo Ciidanka Booliska, kor loogu qaadayo kartida iyo xirfadda ciidamada, laguna horumarinayo adeeg boolis oo hufan, xirfad leh, isla markaana ku saleysan ilaalinta sharciga iyo u adeegidda bulshada.
