Wafdi ka socda Wasaaradda Arimaha Gudaha oo uu hogaaminayo Xoghaya Joogtada ah ee Wasaaradda islamaraakana hordhac u ah Wasiirka Arimaha Gudaha Mudane Cabdiraxmaan Maxamed Xuseen Odawaa oo soo gaaray Magaalada Jowhar ayaa Kulan Xogwaraysi Ah la yeeshay Duuubabka Dhaqanka labada Gobol ee Hiiraan iyo Sh/dhexe..
Gudoomiyaha Duubablka dhaqanka Labada Gobol Ugaas MAxamuud Cali Ugaas ayaa Warbixin ka siiyay Wafdiga halka ay wax Marsiinayaan Dhaqanka.
¨Wax badan ayaa noo qabsoomay hadii aanu nahay dhaqanka Gudiyo ayaan isku qeybinaya waxaan guda galnay ka doodista Awood qeybsiga hada meel wanaagsan ayuu noo maraya, dowladda ayaan sugaynay waxaana rabnaa inaan idinla wadaagno waxyaabihi an ku heshiinay Inta badan dooddii la xiriirtay wax´wada qeybsiga hadii ay ahaan laheeyd Ergada iyo xildhibaanada Barlamaanka waan isla garanay waan ku faraxsanahay inaad noo imaateen’ ayuu yiri gudoomiyaha dhaqanka labada gobol Ugaas MAxamuud Cali Ugaas.
Xoghayaha Joogtada ah ee Wasaaradda Arimaha Gudaha iyo federaalka Prof. Yaxye ayaa sheegay inay aad ugu faraxsanyihiin Meesha ay wax marayaan waxaana uu tilmaamy in Wasaaraddu ay doonayso in bil Gudaheed sharka Lagu so Gabagabeeyo.
‘Waxaan hor dhac u Nahay Wafdi uu Hogaaminayo Wasiirka Arimaha Gudaha iyo Federaalka waxaan u nimid Jowhar oo marti galinaysa Shirka Maamul u sameynta Hiiraan iyo Shabeelaha Dhexe Dhameeystirka dhismaha Maamulka labada gobol, waan ku faraxsanahay howsha Meesha ay soo Gaarsiiyeen sagaashan Boqolkiiba (90%) iyo ka badan Dhaqanku way isla garteen Qeybsiga Ergooyinka iyo xildhibaanada si loogu Gudbo wajiga sadaxaad, waxaan rajaynaynaa 30 maalmood Gudahood inay ku soo gabagabayno shirka, Salaadiinta maqan dowladda kama Quusan ilaa hada dadaalo meel wacan maraya ayay wadaa waana Rajaynayna inay shirka ku soo biiraan” ayuu yiri xoghayaha joogatada ah ee wasaaradda arrimaha gudaha.
Prof. Yaxye ayaa intaa Ku daray dhaqanka in ay ka rajaynayaan dadajiyaan Go’aan ka Gaarista Shirka Wajiga Labaad ee shirka Si loogu Gudbo Wajiga Sedexaad.
“Duubabka Dhaqanka waxaan idin leeyahay dadajiya Wajiga Labaad ee sjirka Go’aan gaara isu tanaasula hadii la isla garto Qeybsiga ergooyinka iyo xildhibaanada 20 maalmood ka yar ayaa lagu soo dhisi karaa maamulka” ayuu Yiri Pro Yaxye Cali Ibraahim.
Dhanka kale aqoon isweydaarsi la xiriira xallinta Khilaafaadka ayay Wasaaraddu u qabatay Duubabka Dhaqanka labada gobol kaasoo lagu Faaqiday Sida ugu Haboon ee lagu dhisi karo Maamulka loogana fogaan karo Khilaaf dheeraada.
Shirka Mamul u sameynta labada gobol ee Hiiraan iyo Sh/dhexe ayaa la filaya in maalmaha soo socda uu u gudbo wajiga ugu dambeeya ee shirka kaaso lagu soo xulaya Ergada xildhibaanada Barlamaanka labada gobol ee dooranaya hogaanka Dowlad Goboleed ay yeeshaan labadaasi gobol..
