Wasaaradda Arrimaha Gudaha, Federaalka iyo Dib-u-heshiisiinta ee Dawlad Goboleedka Galmudug ayaa tababarka hagaha canshuuraha maxaliga ah u soo xirtay 10 xubnood oo ka tirsan Maamulka Degmada Gaalkacyo, kuwaas oo loo tababaray ka shaqeynta canshuuraha Maxaliga ee Dawladaha Hoose.
Qabsoomidda tababarkaan oo soconayey muddo labo cisho ah ayaa waxaa iska kaashaday Wasaaradda Arrimaha Gudaha Galmudug, hay’ada UN-HABITAT/JPLG iyo maamulka degmada Gaalkacyo ee Galmudug.
Madaxda Wasaaradda Arrimaha Gudaha iyo Madaxda Maamulka Degmada Gaalkacyo ayaa gunaanadka munaasabadan shahaadooyin guddoonsiiyey ka qeybgalayaasha tababarka hagaha canshuuraha maxaliga ah, si sare loogu qaado dakhliga gudaha.
