Wasaaradda Arrimaha Gudaha iyo dib u Heshiisiinta Xukuumadda Federaalka Soomaaliya ayaa kulan lagu soo dhaweynayay hannaanka doorashada xalay ugu qabatay qeybaha kala duwan ee bulshada magaalada Dhuusamareeb.
Munaasabadan lagu soo dhaweynayay xareynta odoyaasha dhaqanka ee soo xulaya Xildhibaanada Baarlamaanka Galmudug ayaa waxaa ka qeyb galay Guddiga Farsamada maamul u sameynta Galmudug, Xildhibaanno ka tirsan labada Gola ee dowladda, Golaha Aqalka sare iyo Golaha shacabka, madaxda Wasaaradda Arrimaha gudaha iyo qeybaha kale ee bulshada.
Related posts
Guddoomiyaha Guddiga Farsamada iyo Maamul dhisidda dowlad Goboleedka Galmudug Cabdinaasir Geelle Cilmi ayaa sheegay in waxyaabo badan la soo qabtay, isla markaana Talaadada soo socota ay bilaaban doonto xulista Xildhibaannada kadib marka ay odoyaashu la soo tashadaan cidkasta oo talada kala dhexeyso.
โOdoyaasha dhaqanka maalinta Talaadada soo socota waxa ay bilaabayaan soo xulista Xildhibaannada Baarlamaanka Galmudug kadib marka ay latashiyo la sameeyaan cidkasta oo talada kala dhexeyso, si looga soo buuxiyo foom oo ay ku keenaan Xildhibaanka ku haboon Ummadda reer Galmudug ee afarta sanno soo socota heynaya xilkaasโ ayuu yiri Cabdinaasir.
Ugaas Cabdullaahi Faracadde oo ka mid ah Ugaasyada u joogay howlaha dhismaha Galmudug ayaa sheegay inay ย diyaar u yihiin hannaanka lagu dhisayo dowlad Goboleedka Galmudug, ayna u dhabar adeegeen sidii loo heli lahaa Galmudug loo dhanyahay.
Wasiirka Arrimaha Gudaha, dib u heshiisiinta iyo Federaalka ee Xukuumadda Soomaaliya Mudane Cabdi Maxamed Sabriye ayaa kula dar daarmay odoyaasha dhaqanka in wixii cabasho ah ee ay qabaan u soo gudbiyaan guddiga xalinta khilaafaadka Galmudug.
โWaxaan rabaa inaan idin sheego,Alle waxan rajeynayaa in uu noo fududeeyo, reer Galmudug cabashooyin iyo waxyaabaha jira ula taga guddiga farsamada ee dhismaha Galmudugโ ayuu yiri Wasiirka Arrimaha Gudaha Soomaaliya.
