Dood cilmiyeedkan oo ay soo qaban qaabisay wasaaradda arrimaha gudaha iyo federaalka ayaa looga hadlay sida nidaamka federaalka looga hirgelinkaro dalkeena xili ay ka socdaan intiisa badan dadaalo loogu balaarinayo nidaamkaasi.
Doodan ayaa waxaa ka qeybgalay inkabadan 80 arday oo wax ka barta jaamacadaha dalkeena ku yaala iyo arday horay uga qalin jebisay iyadoo inta uu socdo dood dheer looga yeelan doono nidaamka federaalka oo afkaar kala duwan ay dadka Soomaaliyeed ka aaminsanyihiin.
Agaasimaha waaxda federaalka ee wasaaradda arrimaha gudaha C/laahi Yuusuf oo furay shirkan ayaa sheegay in u jeedada laga leeyahay ay tahay sidii faham sax ah looga siin lahaa bulshada Soomaaliyeed arrimaha federaalka si ay meesha uiga baxdo is aaminaad darida dadka qaar ay ka qabaan nidaamkan.
