Wasaaradda arrimaha gudaha federaalka iyo dib u heshisiinta ee Xukuumadda Fedaraalka Soomaaliya, ayaa maanta magaalada muqdisho ka daahfurtay shirka 2-aad ee dib u eegista hannaanka dhab u heshisiinta qaran.
Shirkaan oo socon doono mudo labo maalin ah ayaa waxaa daahfuray agaasimaha guud ee wasaaradda arrimaha gudaha federaalka iyo dib u heshisiinta ee Xukuumadda Fedaraalka Soomaaliya mudane Saciid Cabdullaahi Calasow.
Shirkaan oo sanadkiiba mar la qabto ayaa waxaa kasoo qayb galay xubno ka socda dowlad goboleedyada dalka, gobolka Banaadir, Odayaasha Dhaqanka iyo Ururada Bulshada Rayidka.
