Wasaaradda caafimaadka Federaal iyo kuwa maamul goboleedyada dalka ayaa maanta kulan ka yeeshay sidii dib u eegis lagu sameeyn lahaa xermooyinka caafimaad ee dalka.
Soo bandhigidda Dib u eegista lagu sameeyay xermooyinka caafimaadka aasaasiga ah ee dalka oo ah barnaamij ay wajigiisii koowaad sanadkii 20019 kasoo wada shaqeeyeyn Wasaaradaha caafimaadka ee heer federaal iyo heer maamul goboleed yoolkiisana uu ahaa in la helo adeeg bixin caafimaad oo loo dhanyahay ayaa waxaa ka qeyb galay Masuuliyiinta Wasaaraddaha Caafimaadka ee federaalka iyo Wasaaradaha maamul Goboleedyada dalka.
Kulanka ayaa lagu falanqeeyay sidii loo kordhin lahaa adeegan dhaqaala badana loogu heli lahaa xermooyinka caafimaadka aasaasiga ah ee dalka iyo sidii looga wada shaqeyn lahaa in dalka oo dhan la gaarsiiyo adeegan si looga wada faaiideysto.
Wasiirka Caafimaadka Soomaaliya Drs Fowsiya Abiikar Nuur ayaa hadalkeed diirada ku saartay muhiimada ay Bulshada Soomaaliyeed u leedahay in ay helaan adeega Caafimaad oo loo dhanyahay.
