Tababaradan maanta Wasaaradda Caafimaadka Koonfur Galbeed ay ka furtay magaalada Baydhabo ayaa ahaa kuwo laga soo qeyb galiyey dhakhaatiir caafimaadka oo laga keeney qaar ka mid ah Gobolada Dalka.
Mid ka mid ah tababarada oo socon doona muddo shan maalin ah ayaa waxa lagu baran doonaa sida looga jawaabo xaaladaha deg dega ah, iyadoo ay ka qeyb galayaan dhakhaatiir caafimaad oo ka kala socday Dowlad Goboleedyada Hirshabeele iyo Koonfur Galbeed.
Halka tababarka kalena loo furey shaqaale Caafimaad oo ka socdey Degmooyinka Gobollada Baay iyo Bakool. waxaana uu socon doona Muddo labo maalin ah, kaasi oo lagu baran doono qaabka loo sameynaayo cilmi baaris la xariirta sameynta Cudurka COVID-19 uu ku yeeshey bulshada Koonfur Galbeed.
Wasaaradda Caafimaadka Koonfur Galbeed ayaa wadda dadaalo ku aadan sidii kor looga qaadi lahaa adeegyada caafimaadka si bulshada loo gaarsiyo adeegyo hufan.
