Wasiir ku xigeenka Wasaaradda caafimaadka xukuumadda mudane Cismaan Daallo waxaa uu deeq dawo ah ku wareejiyay maamulka gobolka Shabeelaha Dhexe,si loogu adeego dadka ku dhaqan gobolkaasi.
Deeqdan dawada ah oo ka kooban noocyo badan ayaa waxaa masโuuliyiinta maamulka gobolka Shabeelaha Dhexe ku wareejiyay wasiirka ku xigeenka wasaaradda caafimaadka, iyadoo sidoo kalena ay goob joog ahaayeen masโuuliyiin ka tirsan wasaaradda caafimaadka.
Mudane Cismaan Daallo wasiir ku xigeenka wasaaradda caafimaadka xukuumadda Soomaaliya ayaa sheegay in deeqdan maanta lagu wareejiyay maamulka gobolka Shabeelaha Dhexe ay qeyb ka tahay dadaalada wasaaraddu ay ku dooneyso in ay kor ugu qaado caafimaadka dadka Soomaaliyeed.
Wasaaradda caafimaadka ee dowladda Soomaaliya ayaa mudooyinkii dame waxaa ay deeq sidan oo kale ah ku wareejiysay qaar kamid ah isbitaalada magaalada Muqdisho, iyadoo sidoo kalena deeq dawo ah gaarsiisya xarumaha caafimaad oo ku kala yaala magaalooyinka Baydhabo, Xudur iyo Cadaado, waxay sidoo kale deeq tan lamid ah ku wareejisay dhowaan madaxweynaha maamulka Khaatumo.
Sawir Qaade: Maxamed Ibraahim Raage
