Wasaaradda Caafimaadka iyo Daryeelka Bulshada ee Xukuumadda Federaalka Soomaaliya ayaa waxa ay sheybaaro cusub oo lagu baaro caabuqa COVID-19 (GeneXpert) ka hirgelisay Maamul Goboleedyada Koonfur Galbeed iyo Jubbaland gaar ahaan Degmooyinka Baydhabo iyo Beled Xaawo, iyada oo horay loo tababaray shaqaalihii ka shaqeyn lahaa xarumahaas.
Sheybaaradani cusub ayaa wax weyn ka tari doona in laga baaro cudurka COVID-19 bulshooyinka ku nool deeganadaasi.
Sidoo kale waxaa la gaarsiiyay agabka la xirto ee looga hortago COVID-19 (PPEs), Rapid test 4000.
Wasaaradda Caafimaadka ee Xukuumadda Soomaaliya ayaa aqorsheyneyso in isbuucan ay hawlgelin doonto shaybaaro ku kala yaala Degmooyinka Jowhar, Baladweyne iyo Dhuusamareb.
