Waxa maanta xarunta dhexe Wasaaradda Caafimaadka Puntland ka dhacay xuska maalinta Caalamiga ah ee badqabka bukaanka.
Wasiirka Wasaaradda Dr Jamac Farax Xasan qaar kamid ah Agaasima waaxeedyada ayaa ka qaybgalay sidoo kale waxaa joogay xubno ka socday hayโadda Caalami ah qaarkood.
Related posts
Maalintaan ayaa noqonaysa markii ugu horraysay ee Puntland lagu qabto waxaana hal ku dhig looga dhigay โ Badbaadada Hooyada iyo Dhalaankaโ
Mohamed Abdiqaadir oo ka socday hayโadda UNICEF oo ka hadlay xaflada ayaa yiri:-
โ Waxaan soo dhawaynayaa inaan kasoo qaybgalo maalinta caalamiga ah ee bad-qabka bukaanka kaasoo ah mawduuc muhiim ah kaasoo looga hadlayo sidii adeega ugu fiican loo siin lahaa bukaanka soo booqanaya xarumaha caafimaadka.โ
โSidaad aragtaan hal ku dhiga maanta waa sidoo loo badbaadin lahaa hooyada iyo dhalaanka taasina waa mida ugu muhiimsan madaama bukaanada ugu badan ee xarumaha caafimaadka taga ay iyaga ugu badanyihiin.โ
Xaashi Muuse oo ka socday hayโadda UNICEF oo isna hadal ka jeediyay ayaa sheegay:-
โ Waxaan ku faraxsanahay inaan maanta wasaaradda kala soo qaybgalo xuska maalintaan caalamiga ah ee Bad-qabka Bukaanka, sidaad ogtihiin maalintaan waa maalin muhiim u ah nolosha aadanaha si gaar ah bukaanka tagaya xarumaha caafimaadkaโ
โSidaa aan arko maanta waxaa mawduuca looga dhigay badbaadada hooyada iyo dhalaanka oo ah kuwa ugu muhiimsan oo ubaahan inay helaan adeega ay uga baahanyihiin xarumaha caafimaadka, waxaan rajaynayaa inana kor uqaadno adeega laga helayo xarumaheena caafimaadka.โ
Wasiirka Wasaaradda Caafimaadkaย Puntland Dr Jamac Farax Xasan oo xaflada ka hadlay ayaa sheegay.
โWaxaan ku faraxsanahay inaan maanta aan xusayno maalin muhiim ah oo adduunka ka mid ah kuwa ugu muhiimsan oo ah sidii bukaanka imaanaya xarumaha caafimaadka sidii loo siin lahaa adeeg dhamaystiran oo lagu badbaadinayo noloshiisa. Waxaan ka wasaaradda ahaana rajaynayaa in maalin gaar ah aan lagu koobine ay noqoto mid si joogta ah aan uga shaqaynayno.โ
โWaxaan rabaa inaan dul istaago mawduuca sanadkaan la qaatay ee ah badbaadinta Hooyada iyo dhalaanka oo aan ognahay muhiimada ay leeyihiin sida aad maqlayseena 100,000 oo hooyo oo dhalaysa inay dhimato 700 oo kamid ah taasoo ah mid badan oo aan doonayno inaan intaas sii yarayno sidaad la socotaana wasaaradda oo ka duulaysa badbaadinta hooyada iyo dhalaanka waxaan meelaha fogfog ka furnay qeybo cusub oo qaliinka hooyada ah si loo badbaadiyo, waxaana qorshaha noogu jira inaan sii labo jibaarno sidii aan uga shaqayn lahayd badbaadinta ilmaha.โ
