Wasiirka kallumaysiga iyo khayraadka badda ee Xukuumadda federaalka Somaaliya mudane Maxamad Cumar Caymooy oo waraysi gaar ah siiyey Warbaahinta Qaranka Soomaaliyeed ayaa sheegay in dhawaan Wasaaradda kalluumaysiga ay bilaabayso bixinta sharciga ogolaanshaha kallumaysiga Soomaaliya, kaasi oo uu tilmaamay in Soomaaliya u leedahay Ahmiyad weyn oo baddeena looga badbaadinayo xaalufinta ay ku hayaan marakiibta shisheeye ee sida sharcidarada ah uga qowlaysata xeebaha dalkeena.
Sidookale Wasiirka ayaa sheegay in ay wadda qorshe Dhallinyarada Soomaaliyeed loogu abuurayo xirfado ay uga faa’iidaysataan khayraadka kujira baddeena taasi oo meesha ka saaraysa in Dhallinyarada Soomaaliyeed ay ku biiraan faldambiyeedyada sida Burcadbadeednimada iyo wixii la midka ah.
Ugudambayn Wasiirka kalluumaysiga iyo khayraadka badda xukuumadda federaalka Soomaaliya ayaa sheegay in wasaaradda ay samaydoonto waxkasta oo Horumarin u ah khayraadka badda.
