RADIO MUQDISHO, 06-JULY-2025- Wasiirka Wasaaradda Qorsheynta Iyo Maalgashiga XFS Maxamuud Cabdiraxmaan Faarax (Beene-Beene) ayaa maanta waxa uu daahfuray daraasaad ku saabsan doorka aqoonta iyo xirfaduhu ku leeyihiin maalgashiga iyo horumarinta dalka.
Wasiirka ayaa munaasabbadda daahfurka ka jeediyay khudbad ku saabsan ahmiyadda daraasaadkani xambaarsan yahay. Daneyaayaasha maalgashatada caalamka iyo qurbajoogta Soomaaliyeed ayaa uu sheegay in loo baahan yahay in ay ka qayb qaataan barnaamijkan daraasadeed, si ay qayb uga noqdaan horumarka iyo kordhinta maalgashiga dalka.
Waxaa xusid mudan in halkaas lagu soo bandhigay barnaamijyo ay soo diyaariyeen maalgashadayaal xarumo ku leh dalalka Kenya, Nigeria iyo qaar kale oo ay ka mid yihiin hay’ado caalami ah sida EU .
Wasiirka Wasaaradda Qorsheynta XFS Maxamuud Cabdiraxmaan Faarax (Beene-Beene), ayaa bogaadiyay, xoojinta aqoonta iyo xirfadaha wax ku oolka ah, taas oo ay Wasaaradda Qorsheynta Iyo Maalgashiga XFS garab ku siin doonto, lagana faa’ideysto daraasaadkan.
