Kulanka aqoon isweydaarsiga Wadatashiga istiraatijiyadda Qaran ee Warbaahinta iyo wada xiriirka ( National Communication strategy ) oo soconaya muddo seddex maalmood ah ayaa waxaa soo qaban qaabisay Wasaaradda Warfaafinta, dhaqanka iyo dalxiiska Soomaaliya, waxaana ka qeyb galaya madaxda qeybaha Warfaafinta ee hay’adaha dowladdda Federaalka, gobolka Banaadir, Warbaahinta iyo qeybaha bulshada.
Agaasime guud ee Wasaaradda Warfaafinta, Dhaqanka iyo Dalxiiska Xukuumadda Federaalka Soomaaliya mudane Cabdullaahi Xayir Ducaale oo Muqdisho ka furay kulanka ayaa sheegay aqoon isweydaarsigan muhiimadiisu tahay helidda istaraatiijiyad mideysan oo lagu wajaho habka Warbaahinta iyo wacyigalinta dadweynaha iyada oo xoogga la saarayo la dagaallanka khawaarijta, kor u qaadista isku soo dhoweynta dowladda iyo dadweynaha, kor u qaadista wacyiga iyo fahamka bulshada dowlad dhiska, mideynta farriimaha dowladda.
Related posts
Ka qaybgalayaasha ayaa ka doodayaย muddada uu socdo sidii loo abuuri lahaa istiraatiijiyad lagu hago Warfaafinta dalka, taas oo ku salaysan baahida bulshada Soomaaliyeed.
Agaasimaha guud ee Wasaaradda Warfaafinta mudane Cabdullaahi Xayi Ducaale ayaa xusay inay Wasaaraddu hore u samaysay xafiis mideeya farriimaha dowladda, kaas oo wax wayn ka qabtay in la helo akhbaar sax oo mid ah, kana tarjumaysa xogta rasmiga ah ee dowladdu shacabka u gudbinayso.
Wadatashigan qoridda istaraatiijiyadda ee maanta furmay waxaa xigaya wadatashiyo lala sameyn doono dowlad goboleedyada iyo hay’adaha kala ee muhiimka u ah dhismaha istaraatiijiyadda Qaranka ee Warbaahinta iyo wada xiriirka.
