Wasaaradda Warfaafinta Xukuumadda Federaalka Soomaaliya ayaa digniin u dirtay dadka sida sharci darada ah u dhisanaya dhulalka ay leedahay wasaaradda ee ku yaala degmooyinka Yaaqshiid, Dayniile iyo Shangaani.
Warqad kasoo baxday Xafiiska Agaasimaha guud ee Wasaaradda Warfaafinta XFS mudane Cabdullaahi Xayir Ducaale ayaa taliyaha ciidanka Booliska iyo Guddoomiyaha gobolka Banaadir looga codsaday in ay joojiyaan dadka doonaya in si sharci daro ah uga ganacsadaan ama u dhistaan dhulalka Warlaliska ee Radio Muqdusho oo ku yaala degmada Dayniile, dhulka Telefishinka Qaranka ee ku yaala degmada Yaaqshiid iyo dhulka Madbacadda Qaranka ee ku yaala degmada Shangaani.
