Wasaaradda Waxbarashada iyo tacliinta sare ee Xukuumadda Soomaaliya ayaa sheegtay inay meel wanaagsan mareyso mideynta manhajka waxbarashad dalka, kadib markii dhawaan ay Muqdisho heshiis kula galeen daladaha Waxbarasho ee dalka ka jira.
Wasiir ku-xigeenka Wasaarada Waxbarashada iyo Tacliinta sare ee Soomaaliya Mudane Xaamud Cali Xasan oo la hadlay Warbaahinta Qaranka ayaa hoosta ka xariiqay in Wasaaraddu, iyada oo kaashaneysa daladaha Waxbarasho iyo aqoonyahanno Soomaaliyeed ay diyaarisay manhajka Waxbarashada dalka oo mideysan, haatanna ay dib u eegis ku sameynayaan.
Related posts
Mudane Xaaamud Cali Xasan ayaa xusay in Wafdi ka tirsan Wasaaraddu ay dhawaan tegi donaan gobollada dalka, si mideynta arrimaha manhajka loogala hadlo maamul goboleedyada dalka ka jira, isagoo tilmaamay in Wasaaraddu ay ku guuleysatay in imtixaan mid ah laga qaado ardayda dugsiyada sare ee bartamaha iyo koonfurta Soomaaliya.
