Maamulka Gobolka Shabeellaha Hoose ayaa ugu baaqay shacabka gobolka ku dhaqan inay la shaqeeyaan ciidamada amniga, si looga hortago dhagarta ay maleegayaan maleeshiyada Al-Shabaab.
Guddoomiyaha gobolka Shabeelaha Hoose Ibraahim Aadan Cali Najax oo la hadlay Warbaahinta ayaa sheegay in ciidamada amniga howlgallo ay ka sameeyeen degmada Afgooye ay gacanta ku dhigeen rag lala xiriirinayo inay ka tirsan maleeshiyaaka Al-Shabaab, kuwaasi oo lagu tuhmayo inay ku luglahaayeen weerar habeen hore ka dhacay degmada Afgooye.
Guddoomiyaha ayaa ugu baaqay bulshada ku dhaqan gobolka inay la shaqeeyaan ciidamada amniga, si looga hortago dhagarta ay maleegayaan argagixisada Al-Shabaab, waxaana uu intaa ku daray in maamulkooda uu xoogga saari doono la dagaallanka Al-Shabaab.
