Magaalada Beydhabo ee xarunta ku meel gaarka ah Koofur Galbeed ayaa shir uga furmay Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya iyo Wasaaradda Waxbarashada Dowlad Goboleedka Koonfur Galbeed, shirkaan oo ku saabsanaa Wadatashiga Qaab-dhismeedka Tayo-dhawrka iyo Halbeegyada
Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya iyo sidii loo xoojin lahaa Nidaamka Waxbarashada Soomaaliya, ee uu taakuleeyo Midowga Yurub (EU).
Shirka oo sacan doono muddo labo maalin ah ayaa waxaa furay Wasiir ku- xigeenka Waxbrashada Dowlad Goboleedka Koonfur Galbeed Mudane, Cabdifataax Isaaq Maxamed, waxaana goob joog ka ahaa Agaasimaha Waaxda Tayo-dhawrka iyo Halbeegyada ee Wasaaradda Waxbarshadda Soomaaliya Marwo, Maria Zakariya Axmed iyo Agaasimaha waaxda Taya-dhowrka iyo Halbeegyada waxbarashada Koonfur Galbeed Mudane, Sayid Cali Jeelle Ibraahim.
